This is not an official blog of any Treasury or the Treasury dept. These are only some information collected from the internet.
ഒരു വെര്‍ച്ച്വല്‍ നോട്ടീസ് ബോര്‍ഡ്‌..... വിവിധ സര്‍ക്കാര്‍ വെബ്സൈറ്റുകളില്‍ നിന്നുള്ള പ്രധാനപ്പെട്ട വിവരങ്ങളുടെ ഒരു ശേഖരം... ഇങ്ങനെയൊരു ബ്ലോഗ്‌ എന്ന ആശയം എന്റെ മനസ്സില്‍ ജനിപ്പിച്ചത് ഓര്‍ക്കുട്ടിലെ ട്രഷറി കമ്മ്യൂണിറ്റിയില്‍ നിരന്തര ചര്‍ച്ചകള്‍ നടത്തുന്ന എന്റെ ചില സഹപ്രവര്‍ത്തകരും ഒപ്പം ഗണിത ശാസ്ത്ര അധ്യാപകരുടെ ഒരു ബ്ലോഗും ആണ്. അവരുമായൊരു താരതമ്യത്തിന് പോലും അര്‍ഹതയില്ലെങ്കിലും എന്റെ പരിമിതമായ സാങ്കേതിക അറിവുകള്‍ വെച്ച് ഞാനും ശ്രമിക്കുന്നു. ഇത് ട്രഷറി ഡിപ്പാര്‍ട്ട്മെന്റിന്റെയോ ഏതെങ്കിലും ട്രഷറിയുടെയോ ഔദ്യോഗിക ബ്ലോഗ്‌ അല്ല എന്ന് ഒരിക്കല്‍ക്കൂടി വ്യക്തമാക്കിക്കൊള്ളട്ടെ.

Thursday, November 18, 2010

തദ്ദേശഭരണ സ്ഥാപനങ്ങളുടെ പുനഃസംഘടന

          തദ്ദേശഭരണ സ്ഥാപനങ്ങളുടെ 2010-ലെ പുനഃസംഘടനയുടെ ഭാഗമായി 7 ഗ്രാമപഞ്ചായത്തുകളെ മുനിസിപ്പാലിറ്റികളായി പരിവര്‍ത്തനപ്പെടുത്തുകയും 15 ഗ്രാമപഞ്ചായത്തുകളെ നഗരസഭകളില്‍ കൂട്ടിച്ചേര്‍ക്കുകയും മൂന്നാര്‍ ഗ്രാമപഞ്ചായത്ത് വിഭജിച്ച് ഇടമലക്കുടി ഗ്രാമപഞ്ചായത്ത് രൂപീകരിക്കുകയും ബ്ലോക്ക് പഞ്ചായത്തുകളെ പുനഃസംഘടിപ്പിക്കുകയും ചെയ്തിട്ടുണ്ട്. ബ്ലോക്ക് പഞ്ചായത്തുകളുടെ പുനഃസംഘടനയുടെ ഭാഗമായി 6 ബ്ലോക്ക് പഞ്ചായത്തുകള്‍ ഇല്ലാതാകുകയും 6 ബ്ലോക്ക് പഞ്ചായത്തുകള്‍ പുതുതായി രൂപീകരിക്കുകയും ഗ്രാമപഞ്ചായത്തുകളെ വിവിധ ബ്ലോക്ക് പഞ്ചായത്തുകളിലായി പുനഃക്രമീകരിക്കുകയും ചെയ്തിട്ടുണ്ട്. 2010 നവംബര്‍ 1 മുതല്‍ക്കാണ് പുനഃസംഘടന പ്രാബല്യത്തില്‍ വന്നിട്ടുള്ളത്. പുനഃസംഘടന ബാധകമായിട്ടുള്ള തദ്ദേശഭരണ സ്ഥാപനങ്ങളുടെ 2010-11 വാര്‍ഷിക പദ്ധതി തുടര്‍ന്ന് നടപ്പാക്കുന്നതിനും കൈമാറിക്കിട്ടിയ സ്ഥാപനങ്ങളുടെ പരിപാലനത്തിനും സര്‍ക്കാര്‍ മാര്‍ഗരേഖ അംഗീകരിച്ച് ഉത്തരവായിരിക്കുന്നു.

          GO (MS) No. 258/2010/LSGD Dated 08.11.2010 

          പുനഃസംഘടിപ്പിക്കപ്പെട്ട തദ്ദേശഭരണ സ്ഥാപനങ്ങളിലെ ജീവനക്കാരുടെ തുടര്‍ച്ച സംബന്ധിച്ച് GO (MS) No. 240/2010/LSGD Dated 21.10.2010 പ്രകാരം സര്‍ക്കാര്‍ നേരത്തെ ഉത്തരവ് പുറപ്പെടുവിച്ചിരുന്നു.

No comments:

Post a Comment

Your suggestions, opinions, .......